فلسطيني ممنوع تعيش

فلسطيني ممنوع تعيش

فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور


ممنوع تجددهويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش


فلسطيني بكل المطارات
اسمك بالأحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب أو من دون ذنوب
و يتوجه إلك اتهامات
انك سبب كل الحروب
كأنو بسببك الحق مات
و العدل بأرضك مسلوب
و كأنك سبب النكسات
و كل أزمات الشعوب
و كأن بسببك مجرم فات
على جنين بلحظه الغروب
و دبح صبيان و بنات
و عجز على أمرها مغلوب


مع انوالحقيقه
انا الي بالدنيا ضحيه
عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه انا الي شعبي انتفض
و بحجر حارب دوريه
و اليوم و بكره وللابد
عنا كلمه وحده هي

فلسطين عربيه
و راح تبقي عربيه
وراح ترجع عربيه
وتغني للوحدة الوطنية

للمزيد من المواضيع

المصدر

كتير حلو بالتوفيق